Sukaldaritza liburua/Gozogintza/Oinarrizko azken burukoak

Errezeta errazenak edo gure inguruan gehien prestatzen edo kontsumitzen direnak.

Flana

Flana edo budina maria bainuan.

Budin gozoen eta esnekien atalean sartzen dugun prestaketa da.

Lehenik, karamelu beltza prestatzen da, moldearen azpian jartzeko.

Ondoren zapore kanela edo banillarekin zaporea eman diogun esnea, arrautza eta azukre nahasketa batekin bete, eta Maria bainuan egosten da.

Egositakoan, hozten utzi moldetik atera aurretik.

Bere horretan Chantilly kremarekin edo banillazko izozkiarekin zerbitza daiteke.

Arroz-esnea

Arroz-esnea.

Jeneralean, ale txikiko arrozarekin prestatzen da.

Esnea, eta zaporea emango dioten elementuekin (kanela, limoi azala, erramua...) su baxuan eta ordu betez egosi.

Jarraian, azukrea gehitu eta pittin bat loditzen utzi beste 15 minutuz.

Katiluetara atera eta hozten utzi. Kanela hautsa gehitu.

Natilla finak

Natilla finak kanela hautsarekin apainduta.

Kanela edo banillarekin esneari zaporea eman ondoren, arrautza gorringo ugari eta azukrearekin nahastu.

Maria bainuan egosi hagatxoarekin nahasten dugun bitartean 82° C arte, eta hozten utzi.

Kanela hautsarekin edo gaileta batekin amaitu.

Fekula duten natillak

Kanela edo banillarekin esneari zaporea emandakoan, arrautza gorringoa, findutako arto irin pittin bat eta azukrearekin nahastu.

Su baxuan, eta kontu handiz hagatxoarekin nahasten dugun bitartean, irakin.

Katilutan jarri eta hoztutakoan, kanela hautsarekin edo gaileta bat jarri gainean.

Esne frijitua

Esne frijitua, esne-torradak, ahizko pastelak edo pellak.

Esne zaporetsu bat, fekula eta azukrearekin loditu, bexamelaren dentsitatea emanez.

Ontzi zabal batean zabaldu, eta hozten utzi.

Hoztutakoan, karratuetan moztu, irin eta arrautzetan pasa eta frijitu.

Amaitzeko, azukre eta kanela hautsa gainetik bota.

Krema frijitua

Esne zaporetsua, fekula arrautza edo gorringoa eta azukrearekin loditu, bexamel dentsitatea emanez, eta hozten utzi.

Hoztutakoan, karratuetan moztu, irin eta arrautzetan pasa eta frijitu.

Amaitzeko, azukre eta kanela hautsa gainetik bota.

Torradak edo ogi galdua

Torradak edo ogi galdua.

Jeneralean, bezperan sobratutako ogiak aprobetxatzeko erabiltzen da.

Bezperako ogia xerratan moztu. Esne zaporetsua, arrautza eta azukrea nahastu eta likido horretan sartu ogiak.

Ogia ongi busti bi aldeetatik, soberan duen salda xukatu eta olio beroa duen zartagin batean, bi aldeetatik kolorea emanez frijitu.

Kanela hautsa eta azukrea gainetik boteaz amaitu.

Sagar errea

Sagar errea kanela adartxoekin-eta apaindua.

Sagarrari bihotza kendu eta azalari bere zirkunferentzian mozketa bat egin.

Labeko erretilu batean, kanela, limoi zukua, ura, azukre eta ardoarekin jarri.

Sartu labera 180ºC-tan eta egosi edo erre sagarra bigundu arte.

Labetik atera, eta epela edo hotza jan.

Gabonetako konpota

Gabonetako konpota.

Piku lehorrak, aran-pasak, mahats-pasak, mertxika lehorrak, arbeletxeko lehorrak, errege-sagarrak eta udareak, batzuk osoak eta besteak zatituak.

Elkarrekin egosi, ura ardoa, limoi zukua, azukre eta kanelarekin.

Egosten, lehenik, fruitu lehorrenak jarriko dira eta azkenak sagarrak edo udareak.

Hozten edo epeltzen utzi, eta jateko moduan izango dugu.

Udarea ardotan

Udarea ardotan.

Udare zuritua, osoa edo erdibitua, ura, ardoa, kanela eta azukrea duen likido batean egosten edukiko dugu.

Udarea egosirik dugunean, erretiratu eta likidoa berriz, guk nahi dugun dentsitatea arte murrizten utziko dugu. Ondoren, saltsa horrekin udarea estali.

Krepeak

Krepeak natillez beterik eta marrubi marmeladarekin.

Jatorri frantsesa duen azkenburuko talo modukoa dugu. Galizian filloak deitzen direnak oso antzekoak dira.

Arrautza, irina, gatza, esnea eta gurin urtua ditu osagai nagusiak, eta azukre pittin bat gehitzea badago.

Osagai horiekin ore likido bat lortuko dugu.

Koipez igurtzitako eta beroa dagoen zartagin batean, ore likido geruza fin bat zabaldu eta minutu batean bi aldeetatik taloen moduan egosiko dugu.

Ondoren, zenbait elementu gozorekin bete daitezke: txokolatea, marmelada, konfitura, pureak, pastel krema, chantilly krema...

Saltsaren batekin estal daiteke.

Suflea, coulanta, muselina

Momentuan prestatu behar den postre klasikoak ditugu. Horregatik, postre hauek aldez aurretik eskatu behar dira.

Delikatua dugun azkenburukoa da, erraz jaisten baita.

Gutxi egindako bizkotxo zaporetsu gisa defini genezake.

Osagaietan aldaerak izan baditzakete ere, oinarrian arrautza, azukrea, eta zaporea emango dion elementuak izango dira: esnea, txokolatea, banilla, likoreak...